老人家居

一個家,少不免要照顧老人和細路嘅需要.

小朋友是家庭中的金菠蘿, 要風得風,要雨得雨, 自不待言. 相反,老人家嘅需要就比較無人注意.......

老頭子因病入院, 情況不算嚴重, 但是需要護理人員來協助保持正常生活. 反反覆覆的康復過程, 已經令老家的長者不宜的情況曝露無遺.

首先, 大家可能無注意到, 家中老人坐係梳化嘅時間係愈來愈少. 的確, 係年青人心中最享受"攤"係梳化睇電視嘅一刻, 對老人家來講就係一大挑戰！尤其係起身嗰野，少Ｄ腳力腰力同血壓都企唔返身. 難怪以前有錢人要買中式酸枝椅, 無嘅都要將長木椅,一排坐三四個人嗰種, 係舊區家私鋪應可找到.

另一個經常需要企起身坐低嘅位置就係厕所.
維港地貴人所共知, 發展商就住就住劃則嘅時候,首先犠牲嘅就係最看不到嘅地方. 結果係坐厕縮埋一角兼堆滿清潔用品，老人家去厕所就似玩雜技一樣, 閃躲騰挪. 加上濕滑的環境, 很多意外從此而生.

今日買嘢食?

今日行過美食節, 人山人海之餘仲芳香噗鼻！

一路行見到除咗經常買餸嘅師奶大嬸之外,更有年青力壯之青少年手執28吋可申縮大型行李箱, 隨著肥媽型"買手"大舉掃貨. 究竟係百行以考為先居多?還是真正會展帶動經濟: 搵人行食品展援助購物?

其實食品展真係幾多嘢睇,不過見好多人買埋買埋都係加工食品, 公仔麵啦, 即食串燒, 健康食品啦, 其實有幾健康真係諗唔到. 加上襯墟心態買一大埋有排食唔晒, 米話唔辛苦.

我相信要健康又好味嘅食品,都係"不時不食"啱聽D. 加晒工,包實晒,染埋色,調好味嘅,又點會好呢!

心頭大石 - 小學派位

一年多的瞎折騰 , 最終心願達成!

為準備兒女考小學, 實在不知白了人多少頭髮. 今年五萬名小學生, 即係十萬名家長, 再加埋有心有力嘅親戚朋友, 凡二三十萬人出錢出力出時間來玩嘅集體大遊戲 , 實不知消耗幾多點GDP來達到教育資源公平分配嘅結果.

遊戲嘅獎品係?
個個不同

1.頭獎: 一世無憂一條龍精英培養兩文三語終身受用名校優資百分百虚榮満足感
2. 二獎: 身心健康陽光海灘十項全能活動教學激發潛能愉快學習獎
3. 三獎: 無欲無求風平浪靜不卑不亢人有我有九年免費教育獎
4. 安慰獎: 無人事關係無財資捐獻無天才兒童無天父打救無時間陪跑安心認命獎
5. 特別夾硬獎: 自費單人跨區來回早車去晚車返不自由行無時間玩旅行團天天出發