從小就知道九龍國皇的事跡, 因為都是住在同一條邨內嘅街坊. 佢啱啱過咗身, 雖然身無分文, 但都叫做有仔送終, 算係咁啦.
http://www.youtube.com/watch?v=TOwWcSP4ZZ0&NR=1
以前天天都會看到他的"墨寶", 就跟公廁內見到人寫粗口和畫不文公仔一樣. 分別在於曾國皇的恆久堅持, 而且手法如一. 後來, 有所謂文化人捉佢來炒作, 話係本土文化, 又借佢橋搞花生騷, 出搞鬼唱片, accessories, 手版公仔, 拍廣告, 諸如此類. 都係商家利用人抄吓橋, 又唔見有人尊重吓佢嘅版權, 俾番設計費版權費佢, 正式得把口.
佢個廣告http://www.youtube.com/watch?v=0tuVOr1bkuQ
呀國皇,如果你在天之靈, 保佑吓自己嘅文化遺產繼續發揚光大, 遲吓好似呀畢加索咁,死咗至出名.
你d墨寶係"蘇富肶"炒至天價,為港爭光之餘, 以後係秀茂坪開番間Kowloon Emperor Art Museum, 等我地d老街坊可以做番個管理員, 帶吓遊客行街睇你嘅真跡, 就老有所依啦.......
其實, 你嘅字一d都唔差過呀畢加索啲抽像畫噃, 起碼, 唔使人唔明扮明咁慘情呀.
No comments:
Post a Comment